عــــــذاب الأحســـــاس

عارفه مهما حصل اننا راجعين لبعض


وان جوانا اشواق لا يمكن تمنعها بعد


عارفه انك حبيبى


عارفه انى حبيبتك


لا هاتقدر فى يوم تسيبنى


ولا هاقدر فى يوم اسيبك


لو زعلت ازعل


لو تقلت عليا اتقل


بس حبيبى بلاش الغيبة تطول


وابقى وحدى ومن غيرك وبيك قلبى مشغول


انا زى الورد وانت زى المية من غيرك تلاقينى ادبل


بكلمة حلوة ارضيك وبهمسة يا غالى تخجل


احنا الاتنين اتخلقنا حبايب


يا حبيبى كفاياك عنى غايب


كفاياك زعل دا انا قلبى فيك دايب


متنساش وتعمل ناسى


وتسرق منى انفاسى


حبك دوا لروحى


زى المية والهوا اساسى


اسمحلى انهاردة ابوسك على خدك


واجيلك من وسط همومك واخدك


واطير بيك لسما بعيدة


تاكدلى فيها وعدك


عارفه ان ده حب


مش كدبة بنكدبها على بعض


عارفه انك بالحب


راجع بس امتى راجعين لبعض


ما تحطش نفسك فى موقف صعب


لانك ملكش مثيل


خت قلبى منى خلتنى فى حبك قتيل


عينك من كل العيون


هاقدر عليك اهون


ياللى ماتهونش بمال الدنيا


ياللى روتنى وحيتنى وخلتنى اضحك للدنيا


ارجع ليا ما احنا راجعين لبعض


واعتبر فراقنا وزعلنا حلم وصحينا منه


ولا قينا نفسنا فى حضن بعض


مش هانسى كلامى معاك


ولا هانسى ضحكى وخصومى وياك


مستحيل انساك


حتى لو قلبك عليا قساك