نسيـر وسـرار الليالـي خفيـات

دنيا بها لو ننبسط خمس ساعـات
لضيق والهاجـوس فيهـا رجعنـا
مامن مشاكلها هـروب وسلامـات
ومن كثر هرج الناس فيها شبعنـا
نشره وتلحقنا من الناس شرهـات
ويامابها في بعض الاخطـا وقعنـا
من دون قصد وركبتنـا ملامـات
وجبنالها عذر الصحيـح ونفعنـا
وذقنا من الايام صفعـه ولوعـات
ومعها جبر حنـا مشينـا وطعنـا
فيها مشينا بالظـروف الصعيبـات
مع كـل دربـآ للمعوشـه نزعنـا
وياما تلقينا من النـاس فزعـات
وياما لنـاس بمـا قدرنـا فزعنـا
وياما سمعنا من علـوم ودعايـات
حطت علينا وتقـل ملهـا سمعنـا
وبالتجربه خضنا بحورن غزيرات
وفيها خسرنا بالشرا مـن طمعنـا
هاذي حيات الناس ربح وخسارات
يامـا حصدنـا بالحيـاه وزرعنـا
ياما شرينا مـن مواتـر جديـدات
وفي سقوها حنـا شرينـا وبعنـا
ونسعا لكسب المال في كل الوقـات
كم طرقتآ لجـل المكاسـب قطعنـا
ونفتح لنا حساب ورصيد وبطقات
وياما ضربنا بالحسـاب وجمعنـا
نسيـر وسـرار الليالـي خفيـات
ولجل عنـد اللـي لوجـه ركعنـا
ونخذ مشوره ونتعـدا مشـورات
ونعرف من اللي نتبعـه لا منعنـا
احدن على شانه ماشينا زيـارات
ويزتاد به من طيب فعلـه ولعنـا
واحدن لو أنـه مالكلـه محطـات
عنه نجنب لـو عطشنـا وجعنـا
ولو الردي يملك فلوس وعمـارات
وغنا رجل بالخلق عنـه أرتفعنـا
لو صابنا فقر وجفاف ومجاعـات
نقفي عنه لو كان عنـده سنعنـا
ونخاوي اللي له مع الطيب عادات
لو الفقر في درب واحـد جمعنـا
البارحه مرت ولـو ليلهـا فـات
من ماحصل فيها وشفنا أنوجعنـا
في مجلسآ في صاحبه عشر(هبوات
ياليت ربـي عـن ممـره منعنـا