أمثال شعبية جزائرية

بسم الله الرحمن الرحيم

1 صاحبك الا صاحبك في الشدة اما الناس الاخرى كلهم بعروضهم
2 البلاء اذا جاك من جناحك قصو
3 الي ما رضى والديه لا خير فيه
4ابكي يا قلبي على الي ماتو و متبكيش علي فارقك في حياتو
5 كل خنفوس في عين امه غزال
6 العمشاء ( اللتي لها سوء نظر) في بلاد العميان حسنت الانظار
7 كبر الراس للدبارة وكبر الساقين للخسارة
8 خنفساء تلهيني ولا غزالة تشقيني
9 كان حي مشتاق تمرة عندما مات علقول عرجون
10 لسانك صنتو صانك خنتو خانك
11 الي لسع حنش اخايل الحبل
12 الي في بطنو التبن اخاف من النار
13 عندما تتعمر البطن تقول للراس غني
14 اسمع للكلام الي بكيك ومتسمعش للكلام الي ضحكك
15 فرط في كل اصحابك الا صاحب ابوك متفرطش فيه
16 ما يبقى في الواد الا حجارو
17 اشتري الجار قبل الدار
18 الي ما ذاق المر لا يعرف قيمة الحلو
19 الزين ما اعمر البيت
20 الي ماهو ليكك غير اعييك
21 الي خلص دينو شبع
22 تبع الكذاب الى باب الدار
23 خوك يمضغك لاكن ميبلعكش
24 جاك لبلاء ياغافل
25 ساعة القضاء ليه غفلة
26 حوت ياكل حوت وقليل الجهد اموت
27 ربي يخلف على الغابة و لايخلف على الحطابة
28الحمام المكسر الجناح ينزل على البر الخالي
29 حل الصرة(الكيس الصغير) تلقى خيط
30 الكلب اذى نبح ماعض ما جرح
31 كدس( كومة)حجار ولا سوء جار
32 الطعام لمليح يستاهلو النفاع
33 الطماع ابات اساري (يمشي ليلا )
34 الفاهم يفهم بالغمزة والحمر يفهم بالدبزة(اللكمة )
35 اللي يزرع الريح يحصد غبارو

تقبلو تحياتي

» نكت جزائرية
» ادخلو وشوفوووووو وادحكوووووو
» نكت جزائرية لوووووول
» نكت جزائرية مضحكة
» جزائرية وافتخر في قمة جمالها